Um 200 manns enn saknað í Níkaragva

Að minnsta kosti 21 lét lífið þegar fellibylurinn Felix gekk yfir austurströnd Níkaragva í Mið-Ameríku í gær samkvæmt þarlendum yfirvöldum. Um 200 manns er enn saknað en þúsundir heimila eyðilögðust af völdum fellibylsins.

Björgunarsveitir og hermenn voru að störfum í allan dag á hamfarasvæðunum til að koma nauðstöddum til aðstoðar. Í ræðu sem Daneil Ortega, forseti Níkaragva, hélt í dag kom fram að um 200 manns væri enn saknað eftir að bylurinn gekk yfir.

Íbúar hafnarbæjarins Puerto Cabezas syrgðu í dag tólf sjómenn sem ekki hafa skilað sér í land frá en þeir héldu til sjós áður en fellibylurinn skall á bæinn.