Einn á móti fjörtíu og fimm fyrir Jóhönnu Völu

Ungfrú Dóminíska lýðveldið þykir líklegust til að hreppa titilinn ungfrú Heimur þetta árið. Sé mark tekið á spám veðbankans Bet 24 eru líkurnar á að íslendingar eignist sýna fimmtu heimsfegurðardrottningu einn á móti fjörtíu og fimm. Þar er Jóhanna Vala Jónsdóttir í flokki með Ungfrú Danmörku, Svíþjóð, Noregi og Indónesíu svo einhverjar séu nefndar.

Veðji maður á ungfrúna dóminísku, Ödu Aimee De La Cruz, erum líkurnar hinsvegar einn á móti sex. Ungfrú Pólland, Belgía, Mongólía og England reka svo lestina með hlutfallið einn á móti áttatíu og fimm.

Treysti fólk sér ekki til að velja fulltrúa sérstaks lands, má einnig veðja á hæð og aldur næstu Ungfrú Heims, eða heimshlutann sem hún kemur frá.