Hannes ánægður með hlaupið

„Þetta gekk helvíti vel," segir Hannes Smárason, en hann lauk New York maraþoni á fjórum klukkustundum og fimmtíu mínútum. Hannes segir að þetta hafi verið sérstaklega skemmtileg upplifun og mikið mannlíf í hlaupinu.

Um 50 Íslendingar tóku þátt og þar af voru 25 á vegum Glitnis. „Félagar mínir höfðu æft töluvert en ég meiddist á hné og gat ekki byrjað að æfa fyrr en í ágúst," segir Hannes þegar hann er spurður að því hvort mikill undirbúningur hafi búið að baki hlaupinu. Hannes mun svo snúa aftur til vinnu eftir helgi, ánægður með afrek helgarinnar.