Eiður verður í byrjunarliði Barcelona

Frank Rijkaard, þjálfari Barcelona, hefur staðfest að Eiður Smári Guðjohnsen verði í byrjunarliðinu á Ibrox í kvöld þegar liðið sækir Rangers heim í Meistaradeildinni.

Mikil meiðsli eru í herbúðum Barcelona og Rijkaard heimtar sigur og ekkert annað eftir tap í síðasta deildarleik.

"Eiður er góður leikmaður sem stóð sig vel hjá okkur á síðustu leiktíð, en meiðsli settu stórt strik í reikninginn fyrir hann. Hann hefur ekki spilað mikið undanfarið en hann hefur lagt hart að sér við að koma til baka og þetta gæti orðið stóra tækifærið hans," sagði Frank Rikjaard.

"Það mikilvægasta er að vinna þennan leik. Við höfum ekki haft tækifæri til að æfa mikið síðan við töpuðum fyrir Villarreal, en ég vona að leikmennirnir finni svör í kvöld, " sagði Rijkaard.

Rangers og Barcelona hafa bæði unnið tvö sigra í fyrstu tveimur leikjum sínum - gegn Lyon og Stuttgart.