Sonur sjónvarpsstjörnu drukknaði

Sonur sjónvarpsstjörnunnar Hunter Tylo sem best er þekkt fyrir hlutverk sitt í sjónvarpsþáttunum the Bold and the Beautiful drukknaði í sundlaug í Las Vegas. Hann var 19 ára gamall. Michael Tylo yngri var úrskurðaður látinn stuttu fyrir miðnætti á fimmtudag á heimili í úthverfi borgarinnar. Dánardómsstjóri skráði orsök andlátsins af slysförum.

Hunter sem er 45 ára var í Los Angeles þegar atvikið átti sér stað. Fyrrverandi eiginmaður hennar er aðstoðarprófessor við kvikmyndagerð í Nevadaháskólann í Las Vegas. Leikkonan á þrjú önnur börn, Chris, Izabella Gabrielle og Katya Ariel.