Vantar lítið upp á hjá ÍA

Bjarni Guðjónsson, miðjumaður ÍA, segir í viðtali við heimasíðu félagsins að lítið vanti upp á hjá félaginu svo það geti gert atlögu að toppi Landsbankadeildarinnar. Skagamenn náðu þriðja sætinu í sumar, mörgum að óvörum.

„Ef við fáum einn til tvo leikmenn til viðbótar í leikmannahópinn þá gætum við gert enn betur á næsta ári og gert atlögu að toppliðunum," sagði Bjarni við heimasíðuna en hann fagnar endurkomu sóknarmannsins Stefáns Þórðarsonar og telur að hann muni styrkja liðið mikið.

„Það var einkum samstaða liðsheildarinnar sem skóp þennan fína árangur sem við náðum í sumar heldur en framtak einstakra leikmanna," sagði Bjarni Guðjónsson sem er nýkjörinn leikmaður ársins hjá ÍA.

Heimasíða ÍA