Totti vill vinna United 7-0

Francesco Totti, fyrirliði Roma, vill koma fram hefndum á morgun þegar liðið mætir Manchester United. Flestum er enn í fersku minni 7-1 sigur United á Roma á síðustu leiktíð.

"Ég vil helst vinna þá 7-0. Evrópumeistaratitillinn er það eina sem ég hef ekki unnið. Það er minn draumur að vinna þessa keppni þó það sé vissulega erfitt að gera það með Roma," sagði Totti.

Totti telur Barcelona vera sigurstranglesta liðið í Meistaradeildinni. "Þeir eru með Ronaldinho, Messi, Henry og Eto'o alla saman. Það segir sitt," sagði Totti.

Þá segir Totti að hann sjálfur eigi að koma til greina sem leikmaður ársins í Evrópu ásamt Cristiano Ronaldo og Kaka.