Jón Gnarr gaf gleraugun sín til góðgerðarmála

Jón Gnarr gaf gleraugun sín til uppboðs sem þátturinn Frá A til J á Rás 2 stendur fyrir. Jón var gestur þáttarins í gær. Gleraugun sem um ræðir notaði Jón í gamanleiknum Ég var einu sinni nörd og í Fóstbræðrum, sem sýndir voru á Stöð 2. Hér er því á ferðinni hið eiginlega vörumerki Jóns til margra ára.

Jón valdi hvert ágóðinn skyldi fara og mun hann renna óskiptur til endurhæfingasjóðs Þórðar Inga Guðmundssonar sem liggur meðvitundarlaus eftir slys í Sundlaug Kópavogs í vor. Tekið er á móti tilboðum á aj@ruv.is og hægt er að fylgjast með gangi mála á www.ruv.is/aj.