Van Persie: Við erum að spila ótrúlega

Robin van Persie sagði Arsenal vera að spila hágæða knattspyrnu í kvöld þegar liðið lagði Sevilla örugglega 3-0 á Emirates. Félagi hans Cesc Fabregas segir Arsenal vera lið framtíðarinnar.

"Við spiluðum stórkostlega knattspyrnu í dag og það kemur aldri leikmanna ekkert við - þetta var gæðaknattspyrna. Sevilla spilar svipaða knattspyrnu og við og með gott lið, en Cesc var líka frábær fyrir okkur í dag. Hann er að spila eins og engill og skora mörk. Það hafa verið gerðar miklar breytingar á liðinu okkar síðustu tvö ár en ég tel að flestar þeirra hafi verið til hins betra og ég get ekki beðið eftir að sjá hvað þetta lið gerir í vetur," sagði Fabregas.

Fabregas var öllu rólegri yfir úrslitunum. "Mér er alveg sama hver er að skora fyrir okkur, en það er sannarlega ánægjulegt að við séum að skora mörg mörk. Við verðum að taka þetta skref fyrir skref en við erum á ágætu róli þessa dagana. Framtíð þessa liðs er mjög björt."