Erlent

Stjörnufréttamaður hrapaði á botninn

Óli Tynes skrifar
Jeppe Nybroe.
Jeppe Nybroe.

Hún var hröð niðurleiðin hjá danska stjörnufréttamanninum Jeppe Nybroe, hjá danska sjónvarpinu. Fyrir nokkrum mánuðum var hann einn af virtustu fréttamönnum Danmerkur. Í dag er hann atvinnulaus og það eru birtar háðslegar myndir af honum á You Tube.

Jeppe Nybroe varð uppvís af því að falsa myndir af brottflutningi danskra hermanna frá Írak í sumar. Hann birti þá uppistand með sjálfum sér og myndir af bílalest sem hann sagði að væri að flytja síðustu dönsku hermennina frá Írak. Í raun var Nybroe í Kúveit og bílalestin á leið inn í Írak til þess að sækja Danina.

Nybroe hefur einnig verið sakaður um að hafa notað sömu sprengingarnar og skothvellina aftur og aftur í sömu frétt, til þess að hún yrði áhrifameiri. Fyrst þegar þetta komst upp var Nybroe sendur í frí. Viðbrögðin í Danmörku voru hinsvegar slík að Danska sjónvarpið komst að þeirri niðurstöðu að honum yrði aldrei treyst aftur.

Ferli hans hjá sjónvarpinu lauk því síðastliðinn mánudag.

Erlent

Mest lesið


Fleiri fréttir

Sjá meira


×

Mest lesið