Moss komin með nýjan rokkara upp á arminn

Svo virðist sem Kate Moss sé loksins búin að losa sig við dóphausinn Pete Doherty fyrir fullt og allt. Hún hefur verið að hitta Jamie nokkurn Hince sem er gítarleikari í hljómsveitinni The Kills.

Parið sást saman á bar í Notting Hill um helgina og voru þau meðal annars í félagi við leikkonuna Siennu Miller. Nóttin dróst á langinn og var að sögn viðstaddra mikið drukkið.

Hince mun þrátt fyrir fylleríið vera alger andstaða Doherty. Hann hefur til að mynda aldrei komist í kast við lögin. Hann segist sjálfur vera ómannblendin keðjureykjandi grænmetisæta.

Hince býr með Alison Mosshart sem einnig er hljómsveitarmeðlimur í The Kills. Mörgum kann að þykja það undarlegt fyrirkomulag en þau eru ekki par.