Bush forseti ætlar að eyða ellinni í Dallas

George Bush bandaríkjaforseti hefur hingað til ekki viljað ræða mikið um hvað hann ætli að taka sér fyrir hendur þegar hann lætur af embætti á næsta ári. Nú hefur hann sagt rithöfundinum Robert Draper að hann hyggist eyða ellinni í Dallas í Texas. Og ef honum leiðist mun hann hoppa upp í bílinn og keyra á nálægan búgarð sinn.

Bók sem Darper hefur skrifað um Bush mun koma út á þriðjudag og ber hún heitið Dead Certain. Bandaríska stórblaðið The New York Times greinir frá innihaldi bókarinnar í dag.

Fram kemur m.a. að Bush hyggist reka stofnunin Freedom Institute eða Frelsisstofnunin í Dallas en hún á að stuðla að lýðræði í heiminum. Og svo ætlar hann sér á fyrirlestrarúntinn eins og faðir sinn og Bill Clinton. "Clinton halar inn seðla á þessu," ku Bush hafa sagt við Draper.

Ennfremur mun það skína í gegn í bókinni að Bush er síður en svo sama um hver eftirmælin eftir hann í embætti verða þrátt fyrir yfirlýsingar um hið gagnstæða á liðnum árum.