Fellibylurinn Felix í uppsiglingu á Karabíska hafinu

Gefin hefur verið út aðvörun vegna hitabeltisstormsins Felix sem er í uppsiglingu á Karabíska hafinu. Er þetta sjötti stormurinn sem hlotið hefur nafn á fellibyljatímabilinu í ár. Að sögn Fellibylsmiðstöðvarinnar í Bandaríkjunum er Felix nú staddur um 130 km vestnorðvestur af Granada og færist í vesturátt á um 30 km hraða á klukkustund.

Reiknað er með að Felix ná styrk fellibyls í upphafi næstu viku. Sem stendur er reiknað með að hann fari yfir eyjarnar Windward, Aruba, Bonaire og Curacao í kvöld og fyrramálið. Hafa stjórnvöld á Aruba og Hollensku Antilles eyjum gefið út aðvaranir til þegna sinna vegna hans.

Tölvureiknar sýna að Felix muni fara á svipaða braut og fellibylurinn Dean sem gekk yfir þetta svæði nýlega og olli talsverðu tjóni. Það er helst talið að Felix verði frábrugðin Dean að því leyti að hann fari nær Venesúela en Dean gerði.