Veðmálavefir geta auglýst í sjónvarpi í Bretlandi

Lögum sem lúta að veðmöngurum og spilavítum í Bretlandi hefur verið breytt en frá og með deginum í dag geta slíkir aðilar auglýst bæði í sjónvarpi og útvarpi.

Það sama á við um vefsíður sem bjóða upp á veðmál en þær má nú í fyrsta skipti hýsa í Bretlandi. Fréttavefur Sky fréttastofunnar segir stjórnvöld telja þessar breytingar geta orðið til þess að draga úr glæpum og koma í veg fyrir að aðilarnir misnoti sér ungt og viðkvæmt fólk. Þar sem þeir þurfa nú að tryggja að starfsfólk sitt geti greint spilafíkn hjá viðskiptavinum sínum og að veitt þeim upplýsingar um hjálparlínur fyrir spilafíkla. Lögin setja einnig takmörk á hversu háum veðmálum tekið er við í pókerspilum. Um sex þúsund spilakassar verða fjarlægðir af veitingastöðum svo og öðrum stöðum þar sem börn gætu náð að spila í þeim án eftirlits.

Aðrir hafa þó áhyggjur af því að auknar auglýsingar veðmagnara kunni að auka viðskipti þeirra og möguleika á að ná til spilafíkla. Auk þess sem auglýsingarnar geri veðmál að mörgu leyti æskilegri í augum margra.

Spilavítin eru flest ánægð með breytingarnar en með þeim getur fólk nú spila þar án þess að vera félagar í spilavítunum líkt og regla hefur verið hingað til.