Hvetur Pakistana til þátttöku í heilögu stríði

Ayman al-Zawahri, næstráðandi Al-Qaida, sendi frá sér nýtt myndband í dag þar sem hann hvetur Pakistana til að taka þátt í heilögu stríði til að hefna fyrir árás pakistanska hersins á rauðu moskuna.

Myndbandið er tæpar fjórar og hálf mínúta á lengd. Þar sést al-Zawahri, ræða átökin milli íslamskra stúdenta og pakistanska hersins við moskuna.

„Múslimar í Pakistan Þið frelsist einungis í heilögu stríði. Kosningar munu ekki bjarga ykkur og stjórnmál munu ekki bjarga ykkur," sagði al-Zawahri á myndbandinu, sem var með enskum texta.

Al-Zawahri sagði að Mussaraf forseti og fylgismenn hans hafi velt þeim upp úr skítnum í þjónustu sinni við krossfara og gyðinga. Mussaraf hefur verið mikið gagnrýndur fyrir viðbrögð sín við átökin í moskunni

Pakistanski herinn gerði áhlaup á Rauðu moskuna í Islamabad, höfuðborg landsins í fyrrakvöld eftir að samningaviðræður við uppreisnarmenn úr röðum stúdenta mistókust. Átökum þar er nú að ljúka. Að minnsta kosti 73 uppreisnarmenn hafa látið lífið