Yfir fimm hundruð stúdentar hafa gefist upp

Meira en fimm hundruð róttækir múslímskir stúdentar hafa gefist upp eftir átök við Rauðu moskuna (Lal Masjid) í Islamabad, höfuðborg Pakistans, sem hófust í gær. Á milli 2.000 - 5.000 stúdentar eru þó enn inni í moskunni sem umkringd er af hersveitum og lögreglu í Pakistan.

Yfirvöld gáfu nemendum í bænaskólum moskunnar frest til klukkan sex í morgun til að gefst upp. Fimm hundruð gengu að kröfum yfirvalda þar af hundrað konur og börn. Mennirnir sem gáfust upp voru færðir inn í bíla en konum og börnum var sleppt.

Átökin við moskuna brutust út eftir langvarandi deilur um islömsku Sharia lögin.