Ræningjarnir skildu tuttugu milljarða eftir

Réttarhöld standa nú yfir sakborningum í stærsta peningaráni í sögu Bretlands. Ránið var framið í febrúar í fyrra og komust mennirnir á brott með 53 milljónir punda, eða sex og hálfan milljarð íslenskra króna í reiðufé þegar þeir rændu peningageymslu öryggisfyrirtækisins Securitas í Kent. Í dómssalnum í dag kom hins vegar fram að þeir neyddust til að skilja um tuttugu milljarða eftir á staðnum, vegna þess að þeir komu þeim ekki fyrir í bílnum sem þeir notuðu við ránið.

Sjö karlmenn og ein kona er ákærð í málinu og í ræðu saksóknara í dag kom fram að eina ástæðan fyrir því að gengið stal ekki hærri fjárhæð en raun bar vitni var sú að bíll þeirra var orðinn fullur af peningum. Bíllinn vóg 7,5 tonn.

Ræningjarnir komust inn í peningageymsluna með því að ræna starfsmanni Securitas á heimili sínu. Þei dulbjuggu sig sem lögreglumenn og komust þannig inn í geymsluna í fylgd með starfsmanninum.