Pressa sett á Pólverja

Angela Merkel, kanslari Þýskalands, hefur hótað því að sniðganga Pólland í viðræðum um nýjan ESB-sáttmála. Pólverjar hafa lýst andstöðu sinni við þau drög sem liggja að sáttmálanum en hann á að koma í staðinn fyrir stjórnarskrá sambandsins.

Talsmaður Merkel sagði að Pólverjar myndu fá tækifæri til að samþykkja sáttmálann síðar á árinu. Fréttaritari BBC fréttastofunnar segir nær óhugsandi að sniðganga Pólverja í viðræðunum og telur yfirlýsinguna vera til þess fallna að setja pressu á þá.