Sex fangar drepnir í árás á búðir Bandaríkjamanna í Írak

Sex fangar eru látnir og að minnsta kosti 50 særðir eftir að árás var gerð á fangabúðir Bandaríkjanna í suðurhluta Íraks í dag. Eftir því sem talsmaður Bandaríkarhers greinir frá skutu uppreisnarmenn sprengjum inn í Bucca-búðirnar en þar og í öðrum fangabúðum Bandaríkjamanna nærri Bagdad er 16 þúsund föngum haldið.

Þetta er ekki í fyrsta sinn sem uppreisnarmenn herja á staði þar sem Bandaríkjamenn halda föngum því áður hefur meðal annars verið ráðist á hið aldræmda Abu Ghraib fangelsi í vesturhluta Bagdad. Írakar hafa nú tekið við rekstri þess.