Pálmi ógnar plönturíki Noregs

Suðrænn nýbúi í plönturíki Noregs stefnir nú innlendum gróðri í hættu með því að breiðast út á ógnarhraða. Hlýnun jarðar í kjölfar loftslagsbreytinga hefur valdið því að plantan, sem kallast Tromsö pálmi, hefur þrifist óvenjulega vel á þessum norðlægum slóðum. Yfirvöld í Tromsö hafa skorið upp herör gegn pálmanum.

Pálminn var fluttur í stórum stíl til Noregs fyrir fáeinum áratugum til að hafa sem skraut í húsagörðum. Naut hann mikillar vinsælda sem slíkur en engann óraði þá fyrir að hann ætti eftir að stefna innlendum gróðri í hættu.

Pálminn vex einkum við árbakka og í bröttum hlíðum og tekur nánast alla næringu frá öðrum plöntum. Það veldur síðan því að jarðvegur verður lausari í sér og þar af leiðandi viðkvæmari fyrir upplástri. Norsk yfirvöld hafi skorið upp herör gegn pálmanum þar sem óttast er að hann muni að öðrum kosti breiðast með ógnarhraða út um allan Noreg.