Bush beitti neitunarvaldi gegn þinginu

Bush Bandaríkjaforseti beitti í nótt neitunarvaldi gegn frumvarpi Bandaríkjaþings sem hefði bundið aukafjárveitingu til stríðsreksturs Bandaríkjamanna í Írak og Afganistan við brottför hermanna frá Írak. Forsetinn sagði það mikil mistök að dagsetja brotthvarf hermanna, það yrði vatn á myllu andspyrnumanna í Írak.

Demókratar á þingi segja það hins vegar endurspegla vilja bandarísku þjóðarinnar. Samkvæmt frumvarpinu hefði heimkvaðning átt að hefjast fyrsta októbere næstkomandi og ljúka þrítugasta og fyrsta mars á næsta ári. Bush sagði hernum nauðsynlegt að fá meira fé svo ný áætlun um fjöglun hermanna í Írak beri árangur. Forsetinn sagðist ætla að reyna hvað hann geti til að semja við leiðtoga á Bandaríkjaþingi um málið.