Wolfowitz yfirheyrður á mánudaginn

Paul Wolfowitz, forseti Alþjóðabankans, og kærastan hans, Shaha Riza, munu koma fram fyrir sérstaka nefnd Alþjóðabankans á mánudaginn kemur til þess að svara spurningum um aðkomu hans að stöðu- og launahækkun Riza. Lögfræðingur Wolfowitz segir að þar muni koma fram að engir hagsmunaárekstrar hafi átt sér stað og að allt sé með felldu.

Margir hafa krafist þess að Wolfowitz segi af sér vegna málsins og sumir starfsmenn hafa gagnrýnt forseta bankans opinberlega. Hann hefur þegar beðist afsökunar á framferði sínu.