Nú er það svart

Amir Peretz, varnarmálaráðherra Ísraels er ekki hátt skrifaður í heimalandinu. Hann hefur ekki gegnt herþjónustu, en allir varnarmálaráðherrar fram að honum höfðu áður verið hátt settir hershöfðingjar. Þá tókst ísraelska hernum ekki að brjóta sveitir Hizbolla á bak aftur í innrásinni í Líbanon, sem þótti hin mesta hneisa.

Tæplega verður þessi mynd til þess að auka orðstír ráðherrans. Hann er þarna að fylgjast með heræfingum á Golan hæðum og horfir í gegnum kíki sem ennþá er með linsuhlífarnar á. Að sögn ljósmyndara Associated Press, leit Peretz þrisvar í kíkinn áður en hann uppgötvaði hvað var að.