Skipað að fara í fóstureyðingu

Ítalskur dómari skipaði þrettán ára telpu frá Torino að fara í fóstureyðingu vegna þess að foreldrar hennar voru andvíg því að hún eignaðist barnið. Telpan varð ófrísk eftir fimmtán ára gamlan kærasta sinn og hún vildi eignast barnið.

Samkvæmt ítölskum lögum hafa ólögráða börn ekkert um það að segja hvort þau klára meðgöngu eða ekki. Það eru foreldrar eða aðrir forráðamenn sem ráða því. Telpan hótaði að fremja sjálfsmorð ef hún fengi ekki að bera barnið. Foreldrar hennar gáfu sig hinsvegar ekki og hún var send í fóstureyðingu.