Ferðast um Afganistan

Leikarinn Jude Law er staddur í Afganistan til að kynna hinn árlega friðardag Sameinuðu þjóðanna hinn 21. september. Með honum í för er breski kvikmyndagerðarmaðurinn Jeremy Gilley sem er að búa til heimildarmynd um heimsóknina. Hafa þeir ferðast um austurhluta landsins þar sem þeir hafa lagt áherslu á að ræða við venjulegt fólk.

Jude Law telur það skipta miklu máli að fá skilaboð um frið frá Afganistan. „Væru það ekki yndisleg skilaboð um frið til heimsbyggðarinnar ef þau kæmu frá svona stríðshrjáðri þjóð eins og Afganistan?“ sagði Law.