Aðalstign Salman Rushdies vekur hörð mótmæli

Mikil alda mótmæla hefur riðið yfir Pakistan í kjölfar þess að rithöfundurinn Salman Rushdie var sæmdur aðalsnafnbót af Elísabetu Englandsdrottingu. Ráðherra trúmála í ríkisstjórn Pakistans hefur sagt að ákvörðunin auki hættuna á sjálfsvígsárásum þar sem múslimar séu á þeirri skoðun að Rushdie hafi móðgað Íslam.

Sendiherra Breta í Pakistan hefur þvertekið fyrir að nafnbót Rushdie hafi verið hugsuð sem móðgun við múslima, en bók rithöfundarins, Söngvar Satans, olli miklum deilum á sínum tíma. Íranska klerkastjórnin gaf þá út trúarlega yfirlýsingu, svokallað Fatwa, þar sem Rushdie var lýstur réttdræpur. 1998 afturkölluðu írönsk stjórnvöld yfirlýsinguna en ýmisr öfgahópar hafa lýst því yfir að hún sé óafturkallanleg.

Írönsk yfirvöld hafa einnig gagnrýnt nafnbót Rushdies og sagt ákvörðunina afar óráðlega.