Flýta þarf krufningu Önnu

Þau eru lífleg réttarhöldin sem nú fara fram Vestanhafs í kjölfar dauða Önnu Nicole Smith í síðustu viku. Dómarinn í málinu fékk símtal í miðjum réttarhöldum á laugardag frá réttarlækninum Joshua Perper. Hringdi hann til að láta dómarann vita að lík Önnu Nicole rotnaði hraðar en eðlilegt væri. Því þyrfti að kryfja líkið í þessari viku í stað næstu viku eins og átælað var.

Þegar símtalið kom var unnusti Önnu Nicole, Howard K. Stern, í vitnastúkunni og segja sjónarvottar hann hafa grátið hástöfum þegar hann heyrði fréttirnar.