R2D2-póstkassar í Bandaríkjunum

Bandaríska póstþjónustan hefur ákveðið að skreyta póstkassa um gjörvöll Bandaríkin í líki geðþekka vélmennisins R2D2 úr Stjörnustríðsmyndunum. Brátt eru 30 ár liðin frá því að fyrsta mynd þessa víðfræga sagnabálks kom út.

Um 400 kassar verða skreyttir með þessum hætti. Almenningur hefur verið hvattur til þess að skemma ekki nýju fínu póstkassana.

R2D2 birtist í öllum Stjörnustríðsmyndunum, líka þeim nýju ásamt vini sínum, samskipta og túlkunarvélmenninu C3PO, en iðulega reyndist hinn smávaxni róbóti R2D2 úrræðagóður og hugrakkur félagi sem ávallt skilaði sínu.

Vonum að póstkassarnir skili líka sínu.