Glæsibrúðkaup í vændum hjá Richie

Nicole Richie og Joel Madden munu ganga að eiga hvort annað um miðjan mánuðinn. Parið mun ætla að slá upp rausnarlegu brúðkaupi á Laguna Beach í Californiu og fregnir herma að dagsetningin 13. október hafi verið valin.

Richie sem gerði garðinn frægan í Simple Life raunverluleikaþáttunum með Paris Hilton kynntist Madden í febrúar á síðasta ári en hann er söngvari hljómsveitarinnar Good Charlotte.

Parið hefur síðan látið lítið fyrir sér fara en Richie hefur þó tútnað út enda eiga þau skötuhjúin von á barni og er Richie komin um sex mánuði á leið.