Ekið á tvö börn með stuttu millibili

Ekið var á barn á hjóli við Holtsbúð í Garðabæ rétt fyrir klukkan 11 í morgun. Sjúkraflutningamenn voru kvaddir á staðinn en ekki er ljóst hvort barnið hafi slasast alvarlega. Ekið var á annað barn í Staðarhverfinu í Grafarvogi eftir hádegi í gær og var barnið flutt á bráðamótttöku Landspítala - Háskólasjúkrahúss. Ekki fengust upplýsingar um það frá bráðamóttöku hversu alvarlega slasað barnið væri.

Sjúkraflutningamenn vilja brýna það fyrir ökumönnum að sýna aðgætni og virða hraðatakmörk í íbúðargötum þar sem börn eru að leik.