,,Rehab" söngkona eyðir í árgangaskampavín og lúxushótel

Þriggja daga brúðkaupsferð söngkonunnar Amy Winehouse og Blake Fielder-Civil kostaði hana rúmar tólf hundruð þúsund krónur.

Söngkonan, sem þekktust er fyrir lag sitt ,,Rehab" og drykkjulæti á opinberum vettvangi sagði eiginmanninum að hún væri ekki í sparnaðarhugleiðingum og aðeins það besta myndi duga. Í þessu tilfelli var það árgangskampavín á lúxushóteli á Miami í Flórída.

,,Hún er að vinna svo mikið núna að þau þurftu að reyna að koma tveimur vikum af fjöri fyrir á tveimur dögum. Þau læstu sig inni og vildu ekki einu sinni hleypa herbergisþernum inn til að skipta um á rúmunum!" sagði heimildamaður Daily Mirror.

,,Þau hringdu bara í herbergisþjónustu á nokkurra tíma fresti og pöntuðu meira kampavín og einstaka skammt af frönskum."

Svíta skötuhjúanna á Shore Club hótelinu kostaði litlar 300 þúsund krónur á nóttu, en innifalið í verðinu var einkasundlaug og þjónusta nuddara.

Brúpkaupið bar brátt að og kom ættingjum og vinum Amy á óvart þar sem hún var nýhætt með síðasta kærastanum sínum, Alex Claire. Parið gifti sig á föstudaginn í látlausri borgaralegri athöfn á Miami, aðeins tveimur vikum eftir að Blake bað hennar.

Hin 23 ára Amy og Blake, 24 ára, hafa áður verið par, en hættu saman fyrir rúmu ára vegna framhjálhalds hans. Söngkonan hefur sagt að sambandsslitin hafi átt þátt í ólátum hennar og þyngdartapi á þeim tíma, en hún hefur þjáðst af átröskun.