Grét úr leiðindum við bókbandið

Níu leikarar útskrifuðust frá Listaháskóla Íslands fyrir skemmstu og er ábyggilega ekki langt að bíða þar til andlit þeirra verða Íslendingum að góðu kunn. Á næstu dögum munu þessir nýjustu leikarar landsins sitja fyrir svörum hjá Fréttablaðinu, hver í sínu lagi. Í dag er það Sara Marti Guðmundsdóttir sem situr fyrir svörum.

Aldur? 28 ára.

Draumahlutverkið? Kvenhetja í Hollywood-hasarmynd.

Hvíta tjaldið eða leiksviðið? Hvíta tjaldið. Kvikmyndagerðin heillar.

Hverjum er það að kenna að þú fórst í leiklist? Foreldrum mínum.

Besta æskuminningin? Að dansa inni í eldhúsi með mömmu minni.

Þú sérð gamla konu missa 5.000 kall, hvað gerir þú? Ég freistast í tíu sekúndur og svo kemur engillinn og segir skammastu þín. Og svo læt ég hana hafa peninginn.

Hvar er best að vera? Í fangi mannsins míns.

Myndir þú koma nakin fram? Nei, ég útiloka ekki að verða forseti einhvern tímann.

Þú ert orðin of sein á frumsýningu. Það er rautt ljós en enga löggu að sjá. Hvað gerirðu? Ég læt bíða eftir mér. Leikarar eru alltaf seinir því það þykir bara nokkuð kúl.

Hvers getur þú síst verið án? Soja-lattes.

Hefur þú neytt fíkniefna? Nei.

Hefur þú kysst einhvern af sama kyni? Já.

Versta starf sem þú hefur unnið? Á bókbandinu í Odda. Ég grét hástöfum úr leiðindum.

Hvernig bíl áttu? Pajero 98. Fékk hann á 100 þúsund kall.

Ef þú værir ein í heiminum, hvað myndirðu gera? Ég bý til sudoku-þraut fyrir sjálfa mig.

Hað þarf mörg hrísgrjón til að mynda hrúgu? Ég segi 30.

Hvar pantar þú pitsuna þína? Á Horninu.

Hvar er besta vídeóleigan? Á Klapparstíg.

Þjóðleikhúsið eða Borgarleikhúsið? Þjóðleikhúsið, ég er að fara þangað.

Hvernig týpa ertu? Ég er mjög anal, umburðarlynd og hlæ hæst að mínum eigin bröndurum. Ég er líka stöðugt að efast um mitt eigið ágæti.