Lífið

Pete býr í hjólhýsi

Fyrirsætan fer huldu höfði þessa dagana og er miður sín vegna framhjáhalds kærastans. Hér er hún þó voða glöð á Glastonbury-hátíðinni að horfa á Doherty spila.
Fyrirsætan fer huldu höfði þessa dagana og er miður sín vegna framhjáhalds kærastans. Hér er hún þó voða glöð á Glastonbury-hátíðinni að horfa á Doherty spila.

Allt virðist vera í hers höndum á milli Kate Moss og Petes Doherty en Pete býr núna í hjólhýsi. Hann fór fyrir rétt á þriðjudaginn fyrir að hafa verið gripinn með eiturlyf í fórum sínu og fékk harða viðvörun frá dómaranum en slapp við fangelsisvist í bili. Kate er búin að sparka Pete út og hefur einnig skipt um lás á húsinu sínu bara til þess að hann komist ekki inn.



Eftir fréttir af framhjáhaldi Petes flúði Kate til Parísar í von um að slúbbertinn Pete elti hana. Í staðinn fór hann þó á rosalegt fyllerí og hefur látið hafa eftir sér að það hafi verið hann sem sleit sambandinu.

„Ég þarf mitt svigrúm,“ sagði hann. Þau hafa víst rifist heiftarlega undanfarna daga og Doherty líkir sambúðinni við að búa með umsátursmanni og finnst eins og Moss kæfi sig. „Hann segir að það eina sem Kate geri sé að öskra á sig í símanum og skella á,“ sagði heimildarmaður.

Kate virðist vera alveg miður sín yfir málinu og þurfti að hætta við að koma fram á tískusýningu Johns Galliano fyrir Dior. Stuttu eftir að fyrirsætan fór til Parísar komu flutningamenn heim til hennar og báru allt dót Dohertys út. Þar mátti sjá meðal annars málverk af Kate, gítara og gamlar ferðatöskur.



Jefferson Hack, barnsfaðir Kate, hefur svo miklar áhyggjur af ástandi fyrirsætunnar að hann hefur komið henni til aðstoðar með því að sjá um dóttur þeirra Lilu Grace.



Þó svo að Pete ber sig vel er augljóst að honum líður alls ekki vel. Í réttinum á þriðjudaginn var hann spurður um heimilisfang og gaf þá upp heimili Moss án þess að hugsa en sagði svo: „Reyndar hefur það breyst.“ Svo brotnaði hann saman og skældi, rokkarinn mikli.






Fleiri fréttir

Sjá meira


×


Tarot dagsins

Dragðu spil og sjáðu hvaða spádóm það geymir.