Næringarskortur vaxandi vandamál í Darfur

Næringarskortur er vaxandi vandamál í héraðinu Darfur í Súdan á sama tíma og erfitt hefur reynst fyrir hjálparstarfsmenn að aðstoða þá sem hvað verst hafa orðið úti.

Talið er að um fimmtán prósent íbúa í héraðinu þjáist af næringarskorti. Yfirmenn mannúðarmála hjá Sameinuðu þjóðunum hafa miklar áhyggjur af ástandinu en á síðustu tveimur mánuðum hafa fimmtíu og fimm þúsund manns þurft að flýja heimili sín vegna átakanna.

Átökin hafa harðnað síðustu mánuði og nú er svo komið að árásarmenn gera ekki greinarmun á hjálparstarfsmönnum og almennum borgurum og hefur árásum á hjálparstarfsmenn fjölgað mikið. Þetta hefur haft þau áhrif að hjálparstarfsmenn hafa þurft að hverfa frá svæðum þar sem þeir telja sér ekki óhætt að vera.

Hvergi er hjálparstarfs eins umfangsmikið og í héraðinu Darfur. Fjórir milljónir manna reiða sig á matvæli, lyf og aðstoð frá hjálparstarfsmönnum. Fjögur ár eru síðan að til átaka kom í héraðinu en frá þeim tíma hafa uppreinsnarmenn barist við stjórnarher Súdans og Janjaweed hersveitirnar sem eru hliðhollar stjórnarhernum. Yfir tvö hundruð þúsund manns látið lífið í átökunum og tvær og hálf milljón þurft að flýja heimili sín.