Tanni kóngur dró 300 tonna járnbrautarlest

Malasíumaður sem ber viðurnefnið Tanni kóngur náði að draga sjö vagna járnbrautarlest í vikunni með stálvír sem hann beit saman í munni sínum. Þetta mun vera mesta þyngd sem maður hefur dregið með tönnunum einum saman.

Rathakrishnan Velu dró hina tæplega 300 tonna þungu lest 2,8 metra vegalengd á járnbrautarstöðinni í Kuala Lumpur. Reiknað er með að heimsmetabók Guinness staðfesti þetta sem heimsmet á næstunni.

Einn af ráðherrum landsins sem var viðstaddur þetta afrek segir að hann viti ekki hvaða tannkerm Valu notar en reikni með að framleiðendur á slíku muni bíða í biðröðum eftir að fá Velu til að auglýsa sína vöru.