Markalaust hjá Barcelona og Chelsea í hálfleik

Staðan í leik Barcelona og Chelsea í meistaradeildinni er jöfn 0-0 í hálfleik. Heimamenn hafa verið heldur sprækari í hálfleiknum, en urðu fyrir því óláni að missa undrabarnið Lionel Messi meiddan af velli. Inná í hans stað kom hinn sænski Henrik Larsson.

Í hinum tveimur leikjunum er heldur betur óvænt staða, því þýska liðið Werder Bremen hefur náð 1-0 forystu á útivelli gegn Juventus þar sem John Micoud skoraði mark gestanna á 13. mínútu og þá hafa Glasgow Rangers 1-0 forystu gegn Villareal á Spáni, þar sem Peter Lövenkrands skoraði á 12. mínútu.