Úr munngælum í viðskipti

Monica Lewinsky, hin margfræga vinkona Clintons forseta Bandaríkjanna, hefur lokið prófi frá London School of Economics, samkvæmt tilkynningu frá fjölmiðlafulltrúa hennar. Lewinsky var tuttugu og eins árs gömul og lærlingur í Hvíta húsinu, þegar samband þeirra Clintons hófst.

Fjölmiðlafulltrúin segir að hún muni nú fara í atvinnuviðtöl í Lundúnum, þar sem hún hyggist ekki snúa aftur til Bandaríkjanna, í bráð. Lewinsky gerði allt sem í hennar valdi stóð til þess að halda sambandi sínu við forsetann leyndu, en vinkona hennar Linda Tripp, hljóðritaði einkasamtöl þeirra, þar sem Lewinsky sagði henni söguna.

Tripp gerði þessi samtöl opinber, sem leiddi til þess að höfðað var mál gegn Clinton til brottvikningar úr embætti. Linda Tripp varð í kjölfarið ein mest fyrirlitna kona Bandaríkjanna.