Erlent

Japanskar sveitir yfirgefa Írak

Sveitir úr japanska landvarnarliðinu hafa starfað við uppbyggingu í Írak frá árinu 2004.
Sveitir úr japanska landvarnarliðinu hafa starfað við uppbyggingu í Írak frá árinu 2004. MYND/AP
Japanar munu draga allt herlið sitt frá Írak nú þegar Írakar hafa sagst munu taka við öryggiseftirliti í þeim héruðum þar sem Japanir hafa verið að störfum. Junichiro Koizumi, forsætisráðherra Japans, sagði í morgun að enduruppbyggingarhlutverki japanskra varnarsveita í Írak væri lokið og því engin þörf fyrir að Japanar héldu úti mannskap þar lengur.

Japanskar varnarsveitir með alls um 600 manns hafa verið verið í Írak frá því 2004 en ákvörðunin að senda herlið þangað vakti mikla ólgu í japönsku þjóðfélagi, enda töldu margir Japanar að ákvörðunin bryti í bága við hlutleysisstefnu sem kveðið er á um í japönsku stjórnarskránni frá lokum seinni heimsstyrjaldarinnar, jafnvel þótt japönsku sveitirnar hefðu ströng fyrirmæli um að taka engan þátt í vopnuðum átökum.

Ákvörðun Japana kemur í kjölfar þess að Írakar hafa sagst munu taka við eftirlitshlutverki í Muthana-héraði í Suður-Írak af Bretum og Áströlum, en undir vernd þeirra hafa Japanar unnið að uppbyggingu.



Mest lesið


Fleiri fréttir

Sjá meira


×

Mest lesið