„Kewell á eftir að skína á HM“

Rafael Benitez, knattspyrnustjóri Liverpool, segir að hann eigi von á því að Harry Kewell eigi eftir að skína á HM í Þýskalandi sem hefst síðar í vikunni. Benitez segir að síðasta tímabil hafi verið það besta hjá Kewell fyrir Liverpool og býst við að leikmaðurinn verði mikilvægur hlekkur fyrir Ástralíumenn á HM.

,,Hann stóð sig mjög vel á tímabilinu og ég held að hann eigi eftir að skína á HM í sumar og reynast Ástralíumönnum mikilvægur. Hann lagði upp mörg mikilvæg mörk fyrir okkur á tímabilinu og eins og allir leikmenn Liverpool sem að leika á HM þá held ég að hann ætti að geta mætt til leiks fullur sjálfstrausts." sagði Rafa Benitez knattspyrnustjóri Liverpool.