Terry og Cole ekki illa meiddir

Meiðsli varnarmannana John Terry og Ashley Cole í 6-0 sigri Englendinga á Jamaica í gær eru ekki talin alvarleg. Ashley Cole þurfti að yfirgefa völlinn eftir að hafa fundið til í lærinu en eftir skoðun hjá læknum enska liðsins kom í ljós að aðeins var um að ræða smá tognun.

John Terry þurfti einnig að yfirgefa völlinn vegna meiðsla í hné en Sven-Goran Eriksson landsliðsþjálfari Englendinga segir að það hafi einungis verið varúðarráðstöfun að taka Terry útaf, meiðslin séu ekki alvarleg. Það er því ljóst að leikmenirnir verða klárir fyrir fyrsta leik Englendinga á HM gegn Paraguay næsta laugardag. Gary Neville sem að missti af leiknum í dag vegna meiðsla í hásin verður væntanlega klár í slaginn fyrir fyrsta leik á HM.