Walcott í sögubækurnar

Englendingar unnu í kvöld Ungverja 3-1 í næstsíðasta leik liðsins fyrir HM. Leikurinn var sögulegur því að hinn ungi Theo Walcott kom inná í leiknum og varð þar með yngsti leikmaður Englands til þess að spila landsleik, aðeins 17 ára að aldri.

Englendingar voru sterkari aðilinn allan tímann en leikurinn fór hægt af stað og gerðist fátt markvert fyrstu 40. mínútur leiksins. Steven Gerrard kom Englendingum yfir á 47. mínútu með laglegu skallamarki eftir fyrirgjöf frá David Beckham. John Terry kom Englendingum í 2-0 á 51. mínútu með skallamarki eftir aukaspyrnu frá Beckham.

Fyrirliði Ungverja Pal Dardai minkaði muninn á 55. mínútu með glæsilegu skoti efst í markvínkil enska marksins. Varamaðurinn Peter Crouch skoraði svo 3 mark Englendinga á 84. mínútu eftir laglegan undirbúning Joe Cole sem að átti skínandi leik í kvöld.

Helstu úrslit:

Argentina - Angola 2-0 Maximiliano Rodriquez, Juan Sorin.

Chile - Fílabeinsströndin 1-1 Humberto Suazo(Chile), Aruna Dindane(Fílabeinss.).

Tékkland - Kosta Ríka 1-0 Vratislav Lokvenc.

Þýskaland - Japan 2-2 Miroslav Klose(Þýskaland), Bastian Schweinsteiger(Þýskaland), Naohiro Takahara 2 mörk(Japan).

Pólland - Kólumbía 1-2 Ireneusz Jelen(Pólland), Murillo(Kólumbía), Luis Martinez(Kólumbía).