Baros á skotskónum

Milan Baros var á skotskónum er Tékkland hitaði upp fyrir Heimsmeistarekeppnina. Tékkar sigruðu Sádí Arabíu 2 - 0. Allar þær þjóðir sem hafa tryggt sér sæti á Heimsmeistarakeppninni hafa spilað nokkra vináttuleiki undanfarið til að slípa allt saman fyrir lokaátökin.

Á föstudaginn mætti Tékkland Sádí Arabíu og slapp vel frá leiknum með 2-0 sigri. Um leið efldu leikmenn sjálfstraustið fyrir það sem koma skal.

Leikmaður Aston Villa, Milan Baros átt góðan leik og skoraði fyrsta mark leiksins eftir 15 mínútna leik. Í seinni hálfleik mætti Sádar grimmir til leiks og freistuðu þess að jafna metin. En á 90. mín skoraði leikmaður AC Milan, Marek Jankulovski úr vítaspyrnu og gulltryggði þar með Tékklandi sigurinn.

Leikmenn Tékklands áttu góðan leik og voru þar fremstir í flokki nýjasti leikmaður Arsenal, Tomas Rosicky og Pavel Nedved. En hvað varðar Sádí Arabíu þá er ljóst að þeir verða að bæta leik sinn ætli þeir sér upp úr H-riðli þar sem andstæðingarnir eru Spánn, Úkraína og Túnis.