Zidane segir Frakka geta náð langt á HM

Zinedine Zidane segir að Frakkar geti náð langt á HM í næsta mánuði. "Við getum náð langt," sagði Zidane sem mun leika sinn 100. leik fyrir Frakka á móti Mexíkó á laugardag.

Leikurinn verður hans síðasti á Stade de France þar sem hann átti frábæran leik er Frakkar unnu Brasilíu 3-0 í Heimsmeistarakeppninni 1998.

"Við eigum þann möguleika að gera þetta að miklu ævintýri, við verðum að forðast þau mistök sem að við höfum gert í undanförnum leikjum eins og á HM 2002, og í Evrópukeppninni 2004. Við megum ekki vera með úrslitaleikinn í hugsun okkar, áður en við hefjum keppnina," sagði hinn 33. ára miðjumaður sem leggur skóna á hilluna eftir þessa keppni.

Zidane segir að Frakkar verði að finna sama andann og ríkti er þeir unnu HM 1998, og Evrópukeppnina tveim árum seinna, ef þeir ætli sér langt á HM í þýskalandi í ár.

"Við erum með einstakt lið með marga frábæra leikmenn, og ef við náum vel saman þá gengur þetta hjá okkur, við höfum metnaðinn til Þess að ná langt."

Zidane hefur skorað 28 mörk í 99 landsleikjum fyrir Frakka. Hans fyrsti landsleikur var í 2-2 jafntefli Frakka og Tékka, árið 1994, þar sem hann kom inná í seinni hálfleik og skoraði bæði mörk Frakka.

Zidane sem táraðist er hann spilaði sinn síðasta leik fyrir Real Madrid á Bernabeu, sagði "það gætu orðið fleiri tár á laugardag, kannski græt ég, en það er leyft er ekki svo?" sagði Zidane að lokum.