Dirk Kuyt ætlar ekki að ákveða sig fyrr en eftir HM

Dirk Kuyt sem er eftirsóttur af Liverpool, Newcastle og Tottenham ætlar ekki að ákveða hvert hann mun fara eða hvort hann fari fyrr en eftir HM. Kuyt vill einbeita sér að HM með hollenska landsliðinu og ætlar ekki að láta vangaveltur um framtíð sína spilla fyrir því verkefni.

Hann vill ekkert ákveða varðandi framtíð sína fyrr en HM er búin og hann hefur þá tíma til að ákveða sig í friði og ró. Kuyt hefur sagt við lið sitt Feyenoord að hann vilji ekki heyra neitt um áhuga annarra liða á honum á meðan hann er að sinna landsliðsverkefninu í Þýskalandi.