Verðum að stöðva Rooney

Xabi Alonso, spænski miðjumaðurinn hjá Liverpool, segir að leikmenn liðsins verði að hafa hemil á Wayne Rooney og Ruud van Nistelrooy ætli þeir sér að bera sigur út býtum í viðureign liðanna um helgina.

"Lið Man. Utd er byggt upp í kringum Rooney. Hann verður betri með hverri vikunni sem líður og er nánast orðinn hinn fullkomni framherji. En ég hef trú á því að vörn okkar ráði við hann og Nistelrooy," segir Alonso.

"Lykillinn að því að vinna Man. Utd. er að láta framherjana tvo ekki leika lausum hala. Ef okkur tekst að stöðva þá er ég sannfærður um að við vinnum," bætti hann við.