Er ekki á förum í sumar

Hernan Crespo; framherji Chelsea, segist ekki vera á förum frá Chelsea á næstunni. Hann blæs á allar sögusagnir sem bendla hann við önnur lið. ,, mér líkar ekki við þessar eilífu getgátur varðandi framtíð mína. Ég er atvinnumaður fram í fingurgóma og hjarta mitt er hjá Chelsea. Ég er hér til þess að vinna titla og vill vera áfram hjá félaginu. Eg hef ávallt skipt um lið í júní síðustu fjögur árin og ég veit ekki hvað gerist núna. En að kvarta yfir ástandinu hjá Chelsea er fjarri huga mínum. Samband mitt við Jose Mourinho er mjög gott og ég hef fullan skilning á því að það er ómögulegt að spila alltaf alla leiki. Liðið er í góðum gír og við eigum allir hlutdeild í því, bæði leikmenn og þjálfarar."