Skoðar Nicolas Anelka

Breska slúðurpressan heldur því fram í dag að David Moyes, stjóri Everton, sé nú á höttunum eftir franska framherjanum Nicolas Anelka hjá Fenerbahce. Anelka hefur spilað með Arsenal, Liverpool og Manchester City á Englandi, en hefur verið mjög duglegur að koma sér í ónáð hjá knattspyrnustjórum sínum í gegn um tíðina.

Vitað er að Anelka er ekki sáttur í herbúðum Fenerbahce þessa dagana, en hann sagði á dögunum að hann væri vel til í að skoða að fara aftur í enska boltann, því árangur Fenerbahce hafi ekki verið viðunnandi í Evrópukeppninni eins og hann hafði vonað.