Everton undir gegn Millwall

Nú standa yfir 23 leikir í enska bikarnum og leikhlé komið í þeim flestum. Það sem af er stendur hæst að Millwall hefur yfir 1-0 í hálfleik gegn úrvalsdeildarliði Everton. Blackburn hefur yfir 2-0 gegn QPR með mörkum frá Todd og Bellamy, Chelsea hefur yfir 1-0 gegn Huddersfield með marki frá Carlton Cole, en þar er Eiður Smári Guðjohnsen í byrjunarliði Chelsea.

Manchester City er undir 1-0 á heimavelli sínum gegn Scunthorpe, markalaust er hjá Newcastle og Mansfield, Middlesbrough hefur yfir 1-0 á útivelli gegn Nuneaton, Charlton hefur yfir 3-1 á útivelli gegn Sheffield Wednesday þar sem Rommendahl hefur skorað tvö mörk og Holland eitt, jafnt er hjá Torquay og Birmingham en sá leikur er í beinni útsendingu á Sýn, Bolton hefur yfir 2-0 á útivelli gegn Watford og jafnt er hjá West Brom og Reading.