Góðar fréttir af Rooney

Wayne Rooney hefur aukið við æfingar sínar og lítur vel út. Rooney sem æfði með bolta í morgun (föstudag) virtist í fínu standi og notaði báða fæturna við boltaspark.

Hann hefur því fært æfingar sínar á hærra stig og farinn að nota bolta sem hljóta að teljast mjög góðar fréttir fyrir enska landsliðið. Rooney sem á að fara í myndatöku næsta miðvikudag er staðráðinn í að ná sér nógu góðum til að geta verið með á HM. Ef áfram heldur sem horfir þá gæti Rooney verið tilbúinn í slaginn í útsláttarkeppninni á HM en verður væntanlega ekki með í riðlakeppninni.