Útvarpsþáttur undir beru lofti

Poppland Rásar 2 efndi til útitónleika fyrir framan útvarpshúsið í Efstaleyti enda hefur veðrið leikið við höfuðborgarbúa að undanförnu.

 Birgir Örn Steinarsson og hljómsveit hans The Bigital Orchestra léku fyrir nærstadda auk þess sem Jakob Frímann Magnússon og Valgeir Guðjónsson tróðu upp. Að sögn Ólafs Páls Gunnarssonar urðu starfsmenn þáttarins að hafa hraðar hendur enda bar þetta allt brátt að. „Við vildum nýta okkur að sumarið er skollið á,“ segir Ólafur sem var ánægður með viðtökurnar hjá hlustendum útvarpsstöðvarinnar. „Það mættu í kringum hundrað manns og fengu sér ís á meðan þeir hlustuðu á góða tónlist,“ segir hann.